Historia

 Aldi Inperiala

Brasilgo Inperioaren lehen hamarkadetan, São Paulok bere ezaugarri kolonial nagusiak mantentzen ditu, eta "hiri probintziano" soiltzat hartzen jarraitu zuen. Hala eta guztiz ere, herrialdearentzat garrantzia izan zuten gertakarien eszenatokia izan zen: bertan, adibidez, garai hartan Brasilgo Pedro I.a printze erregeordeak Brasilgo independentzia aldarrikatu zuen. Han bizi zen enperadorearen maitalerik ospetsuena ere, Santosen Markesa.

Hiria estatusa irabazten hasi zen kafearen ekonomiaren garapenarekin, kafearen latifundistak hirian errotzen hasi ziren une batean, garrantzi politiko erlatiboa zuten gizabanakoak zirelarik euren aberastasun gero eta handiagoari esker. XIX. mendearen erdialdetik aurrera, San Paulok onura atera zien estatuaren barrualdea eta Santoseko portua lotzen dituzten trenbideei. Kafea esportatzeko erraztasunak hazkunde ekonomiko handia ematen dio San Pauloko hiriari eta estatuari.